Titel-os-4
Fremtiden tilhører os – The future belongs to us


Uagut inuunerput

”Ilagut suli meeraapput. Ilagut meerartaareerput. Tamatsinnut assigiissoq tassaavoq peroriartorneq toqqissisimanartoq pitsaasumillu inuunissaq kissaatigigatsigu. Siunissaq peqatigiilluta pilersitarput.”

Meeqqat inuusuttullu pisinnaatitaaffii, aammalu ’inuunerissuunerup’ qanoq ittariaqarneranik isiginninnerat pillugu atuakkiaq. Inuusuttut inuunerissuunermut siunnersuutigisaat. Atuakkami assilisat allagarisaasullu inuusuttut namminneq piliaraa.
Atuagaq 2015-imi novembarimi Nanortalimmi Tasiilamilu agguaanneqarpoq.

 Se bogen her


Nerisagut

’Peqqissumik inuunissamut aamma angerlarsimaffinni nerisaqarnissamut pisinnaatitaaffeqarpunga’.

Workshoppimik tunngaveqartillugu ilinniartitsineq, inuusuttut illoqarfimmi aanaa/aatakkuminnit nerisassioriaatsinik katersitinneqarlutik. Nerisatigut ileqqut pillugit oqaluttuat, nerisassiarisartakkat assilisallu illoqarfinni agguaassassamut nerisassiornermik atuakkiamut katersorneqassapput. Atuarfiit ornittakkallu suleqatigalugit suliarineqassaaq.
Naggasiutigissavaa nerisanut tunngasumik festivaleqarneq, aqqusinermi igaffeqarluni, illoqarfimmilu eqqumiitsuliornikkut takuneqarsinnaalissalluni.


Ilaquttagut

’Pisinnaatitaaffigivara ingerlariaqqinnissannut siunnersorneqassallunga’

Najukkami oqaloqatiginnittartutut siunnersuisartunik ilinniartitsinerit. Siunertaq tassaavoq ilaqutariinnut persuttartinnermik atugaqarfiusunut tapersiinissaq. Suliarisami tarnikkut ikiueqqaarnertut ilusilimmik assigusumik siunnersuisarnermik tunngavilimmik inuusuttumit inuusuttumut siunnersuisarnerup pilersinniarnera peqatigalugu suliaqartoqassaaq. Suleqatigineqarput Nanortalimmi Tasiilamilu ilaqutariinnut ingerlatsiviit.


Uagut oqaluttuassartagut

’Ilinniagaqarniarlunga nuuppunga. Inuulluaqquassilu. Qanigisakka asasakkalu qimallugit. Annernarpoq artornarporlu. Siunissamali orniguteqquaanga.’

Oqaluttuaqattaanneq, najukkami oqaluttuarnermik ileqqut aallaavigalugit meeqqat inuusuttullu inuuneranni ullutsinni akunnattoorfinnik iluarsiiniarnermut tamatuminnga attaviliiniarneq sulissutigineqarluni. Inerniliussaq tassaassaaq najukkami takutinneqarlutillu Nuummi 2018-imi naggataarutaasumik takutinneqartumik isiginnaartitsissummik ataatsimik imaluunniit arlalinnik suliaqarneq.

DSC00316
Uagut isumassarsiagut

”Misigissutsima takutinnissaannut pisinnaatitaaffeqarpunga.”

Suliniutinik katersivik. Tassanngaannit allattugaatinit, inuusuttut suliaannit isumassarsiat pitsaanerpaat tigusiffigaagut, ingerlateqqillugillu. Annertussusaat apeqqutaallutik isumassarsiat 1-2 naggasiutitut ineriartorteqqinneqassapput.

Skærmbillede 2015-11-24 kl. 13.37.34
Uagut suliniutigut

”Isumama aninnissaanut tusarneqarnissannullu pisinnaatitaaffeqarpunga”

Isumassarsianik ineriartortitsinermik, suliniutinik oqaasertalersuinermik aningaasaliisartunillu pissarsiornermik sungiusarnerit. ’Suliniutinik katersivimmit’ isumassarsiat maani tigusiffigineqarlutillu ineriartortinneqassapput.

’Siunissaq uagut pigaarput’