Valitse sivu

SIUNISSAQ

Nittartagaq nutaaq takkutingajalerpoq!

Suliniut
Siunissaq uagut pigaarput
imatut taaguuteqalerpoq:
SIUNISSAQ

Najugarisani inuiaqatigiit oqaloqatigalugit naleqassutsit tamakku ineriartortitat piviusutigut malinnaasunngortillugit suliniut 2019-ip aallartinnerani allatut oqaasertalersorneqarpoq. Taamaattumik nittartagaq nutaaq maannakkut suliarineqarpoq, taamaalilluni taassuma SIUNISSAQ’p tunngavigisaanik nutaamik, ilisimasanik suliarisanillu saqqummiussinnaassammagit.

SIUNISSAQ tassaavoq Kalaallit Nunaanni illoqarfinni nunaqarfinnilu inuusuttunik, angajoqqaanik, sulianik inuutissarsiutigisalinnik, ilisimatusartunik eqqumiitsuliortunillu annertullunilu suliaqartutut attaveqarfik, eqqumiitsuliorneq – assiliisarnermik sammisaqartumik – ilikkagaqarnerillu aqqutigalugit angusassap ataatsimoorussap tungaanut ingerlaarfeqartoq.

SIUNISSAQ Ilisimatusarfimmi Meeqqanik, Inuusuttunik Ilaqutariinnermillu Qitiusumik suleqatiginnilluarnermi tunngaveqarpoq, ilaatigullu eqqumiitsuliornerup inooqatigiiffigisatullu ataatsimoorfiit akornanni pissutsinik qulaajaasumi nunat avannarliit ataatsimoorullugu ilisimatusarnikkut suleqatigiinnerani ilaavoq.

SIUNISSAQ UArtic aqqutigalugu Inuit nunaanni (Sibiriami, Canadami aamma Kalaallit Nunaanni) meeqqanik inuusuttunillu ilisimatusartunik suliaqarfigisaminik suleqatigiinnermi peqataavoq.

SIUNISSAQ-p Ilisimatusarfimmik suleqateqarluni atuagaq una saaqummersippaa: Collaboration, Dialogue and Trust, Art and Social Resilience in Kalaallit Nunaat / Greenland. Peter Berlinerip Tina Enghoffillu atuakkiaat.

SIUNISSAQ suliarpassuarnik ingerlataqarpoq, Kalaallit Nunaannilu suleqatigiinnernik nutaarluinnarnik arlalinnik pilersitaqarsimavoq. Taamaalilluni 2020-mi nittartakkap nutaap SIUNISSAQ suli ersersinnerulersissavaa.

SIUNISSAQ
pillugu annertunermik
paasissutussanut
uku attavigikkit:

Peter Berliner
Community Psychologymi professori, Ilisimatusarfik

Mail:  pebe@uni.gl
Tel: +299 285634

 

Tina Enghoff
Assilialiortutut eqqumiitsuliortoq

Mail:  mail@tinaenghoff.com  
Tel: +45 28141707

 

Grethe Nymark
Ataqatigiissaarisoq

Mail: g.nymark@gmail.com  
Tel: +45 20182934