DSC00171

Siunissaq uagut pigaarput

  • Tassaavoq najukkami tunngaveqartutut, piginnaasanik pilersitsisussatut suliniut ukiuni pingasuni sivisussusilik, Kalaallit Nunaanni pisinnaatitaaffimminnik siaruaanissamut, inuunerumut piumassuseqalersitsillunilu ilaqutariinnut pitsaanerusumik atugarissaanermik pilersitsilluni meeqqanik inuusuttunillu nukittorsaasussaq.
  • Suliniutip saaffigisai tassaapput: Meeqqat inuusuttullu 12-26-nik ukiullit. Ilaqutariit persuttaanermik atugaqarfiusut. Illoqarfiit marluk suliaqarfigaagut, Tasiilaq (Tunumi), aamma Nanortalik (Kujataani)
  • Suliniut 2015-imi apriilimi aallartippoq, ukiunilu pingasuni ingerlaqqissalluni.
  • Aningaasaliineq: Pingaarnertut aningaasaateqarfimmit tapiissutit, nunatsinnit pisortat aningaasaliinerinik ilasiffigineqartut.
  • Pingaarnertut aningaasaliisoq tassaavoq Bikubenfonden. Taassuma saniatigut ilapittuuteqarput Naalakkersuisut (Namminersorlutik Oqartussat), Kommune Kujalleq, Kommuneqarfik Sermersooq, NunaFonden. Atuakkanik akeqanngitsumik assartuinermik Royal Arctic Line 2015-imi suliniummut tapiissuteqarpoq.

SULINIUT QANOQ SULIARINEQARPA?

  • Meeqqat inuusuttullu akornanni FN-ip meeqqanut isumaqatigiissutaanik ilisimasanik siammaanikkut.
  • Sulianik ineriartortitsinermut atuutsitaqalernermullu meeqqat inuusuttullu ilanngussornerisigut..
  • Suliarisani suliassani peqataasut akisussaaqataanermik tuninerisigut.
  • Inerniliussanik takuneqarsinnaasunik pilersitseqataanermi iluarinartumik misigisaqarnermik pilersitsiniarnikkut.
  • Isuma tassaavoq piffissamut ungasissumut meeqqat inuusutullu inuunerminni ilaquttaminnilu nassatarisinnaasaannik atugarissaassutsimik inuunikkullu nakuussutsimik pilersitsiniarneq.
  • Ilaqutariinni atugarissaarnermik ilaqutariinnilu persuttarinninnerup pinaveersinnissaanik sulissuteqarnikkut.

ILISIMATUSARNERMIK TUNNGAVEQARTUTUT SULINIUT

  • Suliniut ilisimatusarnermit malittarineqarpoq, suliniutip piviusumik suliarineranut sunniutinik malugisanik nalunaaruteqarfiujuartumik.
  • Peqataasut suliarinissaannut akuutitaallutik eqqumiitsuliornikkut suliarisatigut suliniut Kalaallit Nunaanni takuneqarsinnaalersinneqarpoq.
  • Suliniut najukkami nunatsinnilu inuiaqatigiinnut attaveqartarfiit naleqquttut aqqutigalugit paasissutigineqartuarpoq.

SOOQ SULINIUT INGERLANNEQARPA?

  • Najukkami inuiaqatigiinni tamakkiisumik piginnaasanik sanarfiniarluni.
  • Kalaallit Nunaanni illoqarfinni marlunni meeqqat, inuusuttut ilaqutariillu akornanni pitsaanerusumik atugarissaarnermik annertusisamillu inoorusussutsimik pilersitsiniarnermik siunertaqarluni pilersitsisarnerit suliaqarnerillu inissisimaffiannik annertusaaniarluni.
  • Kalaallit Nunaanni illoqarfinni allani atorneqarsinnaasumik iluserititamik ineriartortitsinissaq siunertaralugu misilittakkanik pissarsiniarluni.

SULINIUT QANOQ AAQQISSUUSSAAVA?

  • Suliniut illoqarfinni, suliniummut suleqatigiinni, inuusuttunut siunnersuisartuni najukkamilu ataqatigiissaarisartuni najukkamut tunngaviligaavoq.
  • Aammattaaq illoqarfiit akornanni misilittakkanik paarlaateqatigiinneq sulissutaavoq.
  • Suliniutip piviusunngortinniarneranut nunatsinnit isumalluutit siamasinnerpaamik atorniarneqarput.
  • Suliniutip qullersatut piviusunngortinnissaanut akisussaaffeqartumit suliniut aqutsisoqatigiinnik siulersorneqarpoq.

SULINIUT PILLUGU ANNERMIK PAASISSUTISSAT

Anette Molbech, suliniummik siulersuisoq +45 23 23 17 87
mail: Una tooruk