Akiussinnaassuseq – resiliens

DSC00944Suliniummi qitiusutu toqariaaseq tassaavoq resiliens.
Inooqatigiinnermi aamma community resiliensimi isummani taakkunani marlunni resiliens oqaluuserineqartillugu oqariaatsit tatiginninneq aamma ataatsimooqatigiinneq periuseralugit suliniummi atorniarpagut.

Akiuussinnaassuseq tassaavoq sanarfiniagarput, resiliensillu nukittorsarniarnera sulissutigigutsigu, tassaasup tatiginninnerup aamma ataatsimooqatigiinnerup nukittorsarnissaat, inummi akiuussinnaassuseq inuunermilu nukittussuseq taanna sanarfivarput.

Inooqatigiinni resiliensimi pineqartoq tassaavoq inuit akornanni akiuussinnaassutsimik nukittorsaaneq.
Inooqatigiinni resiliens tunngaavigisatut inuttut pisinnaatitaaffinnik qularnaarinermut atavoq, pissutigalugu aamma aporfeqarfinni aarlerinartortalinnilu pisuni inuit ineriartorsinnaanermut attavissinnissaannut tunngasuuneri.

Inuit akornanni akiuussinnaassusiliiniarneq (inooqatigiinni resiliens) tassaavoq makkuninnga misigisaqarnerit: ataatsimoorussatut inuunermi piumasaqaatinik ingerlatsisinnaaneq, akisussaaqataanermik suliaqarfigalugulu peqataaneq, isumatussuseq, peqatigiilluni suliaqarnerit aamma illua’tungeriilluni inooqatigiinnermi tapersiissutitut atukkat annertunermik atugarissaarnermik pilersitsisut, aamma atugarlunnissamut aarleqqutinik annikillisaasut, nikalloqqajaaneq, kiserliorneq, stressi, nappaateqarneq siusissukkullu toquneq. Taakkunani pingaarutilittut ilaasoq tassaavoq inooqatigiinnermi attaveqarfigisanik, tassalu ataqatigiinnermik sanarfiginnillunilu tassannga atajuartitsineq.

Community resiliensip anguniarpai najukkami inuiaqatigiinni ataatsimooqatigiiffiup iluani inuit akornanni akiuussinnaassutsip nukittorsarnissaa. Tassani aarleqqutaasunik atugassaqaraluartoq qaangiinissamut imminermillu ineriartorteqqinnissamut najukkami inuiaqatigiinni tamakkiisumik piginnaasaanik nukittorsaanissaq pillugu resiliens tunngasuuvoq. Community resiliens kikkut tamarmik pisinnaatitaaffiinik ataqqinninnermik siuarsaasumik aammalu isumalluutinut tunngasuusumik, akuersaartumik aamma ataatsimooqatigiinnermut tunngasuusumik najoqqutassiani pilersinneqarpoq.