Ilisimatusarnermi periutsit Misissugaqarfimmilu periutsit

Ilisimatusarnermi periutsit anguniarpaat inooqatigiinnermi resiliensip, tatiginninnermik, ataatsimooqatigiinnermik piumassuseqqortunerullu Kalaallit Nunaanni inuiaqatigiinni mikinerusuni qanoq sanarfineqartarneri pillugit tamatigoortumik teoriimik ineriartortitsinissaq.

Ilisimatusarnermi misigisanik tunngaveqartumik aamma pinngoqqaartumik ilisimasanik suliaqartoqartarpoq. Nunap inoqqaavisa nunarsuarmik takunninnissamut siunersisarnermik isumaliutersuutiminnut aqqutaat periusaallu nunarsuarmi isiginnittarnernut siunersisarnernullu teoriinut allanut naligiissumik ilisimatusarnermi toqqaannartumik atorneqarput.

Ilisimatusarneq sapinngisamik siamasinnerpaamik piviusunngortinneqarpoq, naligiissinneqarpoq, attaveqarfilerneqarpoq, aamma sumiiffimmut piffissamullu inissinneqarpoq, aammattaarlu ilisimatusarnermi ilaasut akornanni atugarissaarnermik annertunermik pilersitsiniaavoq.

Ilisimatusarneq peqataatitaqarnermik tunngaveqartutut ingerlanneqarpoq, najukkameersunik ilanngussisitsilluni, ilisimatusarnerup ingerlanneranut, paasissutissanik katersinermut, sukuiaanermut, aamma taakkuninnga saqqummiussinernut atatillugu assistentitut ilanngussorneqartunik. Siunertaq tassaavoq isumaliutersornissamut piginnaasanik sanarfinissaq aammalu nammineq inuiaqatigiinnik akuuffigisanik tigussaasumik ilisimasanik isumaginnissinnaaneq.

Misissugaqarfimmi periuseq tassaavoq suliniut tigussaasutigut qanoq isumaginiarneranut periuseq.

Piviusutigut ilanngussuinermik, tatiginninnermik piumassuseqqortunerillu qitiutillugit suliaqarpugut.

Periarfissaasunik suliaqarpugut. Aammalu suut atuussinnaasut iliuuserinissaat, aammalu annermik iliuuseqarfiginissaat sammisaraarput.
Suliniummut tunngaviusumik attaveqarniarnerput tassaavoq iliuuseriniakkatut oqaatigisatsinnik iliuuseqarnissaq.
Aammalu iliuuserput oqaatigalugu.
Inerniliussat najukkami takussutissiissutiginiarpagut, naggasiutigalugulu Kalaallit Nunaata sinnerani.

Ilisimatusarnermi inerniliussat quppersakkani naleqquttuni nunat tamalaani, aammalu tusagassiorfinni naleqquttuni paasisitsiniutitut ilusiliakkut tusarliutigineqassapput.