DSC00548_r1
Meeqqanik inuusuttunillu ilanngussititsineq

Meeqqat, inuusuttut ilaqutariillu illoqarfinnut aamma Kalaallit Nunaannut isumalluutinngortinnissaat sulissutigissavarput, aammalu pilersitsinermik, sulerusussutsimik pilersitaqarluta – pingaarnerpaatullu – inoorusussutsimik!

Suliniummi najukkami inuiaqatigiinni akiuussinnaassutsip (resiliens) nukittorsarnissaa sulissutigaarput. Najukkami tatiginnissutsip, ataatsimooqatigiinnerup piumassuseqqortunerullu nukittorsarneratigut arlalippassuit sumiginnagaanermik misigisartagaannik akiuussinnaassutsimik pilersitsivugut.

Taavarput inoorusussuseq.

Namminneq inuunerminnik akisussaaffimmik tigusinissamut inuiaqatigiinnullu suliaqarnikkut ilapittuinissamut nukittorsarniarlugit periutsip meeqqat inuusuttullu eqqumiitsuliornermik, nutaaliornermik timilu atorlugu suliarisanik ilanngussititsissaaq.

Suliarisani tamani FN-ip meeqqanut isumaqatigiissutaa qitiuvoq. Meeqqat inuusuttullu pisinnaatitaaffinnik sorlernik suliaqarnissamik aalajangeeqataanermikkut peqataassapput; suut imminnut isumaqarparnerinik. Suliarisanut aallaavigisaq tassaavoq workshoppip aalajangersimasup suliarisaatut iluseq aqqutigalugu peqataasut saqqummersitaqarnerinik tapersersuisunik inuussutissarsiutilinnit siunnersorneqarneq aqqutigalugu ingerlassamut aamma eqqumiitsuliornermik-nutaaliornermik suliarisanut sinaakkutissiinissaq.

Taamaalilluni saqqummiussanik sakkortuunik namminerlu piliarisanik pilersitsinissamut ilimanaataasoq annertuvoq, tassaammata meeqqat inuusuttullu namminneq oqaaseqarlutillu takuneqarsinnaalersut. Tassaapput atortussianik pilersitaqartut. Sulianik ilisimasalittut inuit iluserisarpiamik, kingornatigullu takusassanngortitaaneranik qularnaaripput.

Suliniut Kujataani Tunumilu illoqarfinni marlunni pivoq; Nanortalimmi aamma Tasiilami.

 
Meeqqat pisinnaatitaaffiinik ilinniartitsinermut assiliarsuit uani takukkit
Assiliarsuarni oqaasertat tassaapput Meeqqanut isumaqatigiissummi saqqummiussatut iluserisameersut. Taakku MIO-mit inussiarnersumik atugassiarineqarput, atuakkamillu ’Pisinnaatitaaffeqarpunga! Meeqqanut isumaqatigiissut, 2012’-imeersuullutik.