Vores-rettigheder-1_jt
Suliarisat

Illoqarfinni atuarfiit, ilaqutariinnut ingerlatsiviit ornittakkallu suleqatigalugit ukiup pingasut ingerlanerini suliaqarnernik sungiusarnernillu arlalinnik ineriartortitsiniarpugut. Suliarisat ilinniartitsinermik ingerlassatut, workshoppitut, imaluunniit sungiusarnermik ingerlassatut atuutsinneqassapput, suliamilu imarisap atuutsillugulu pilersinnissaanut meeqqat, inuusuttut ilaqutariillu suliaqarfigalugu ilapittuinerisigut pisassallutik.

Illoqarfinni atuarfiit, ornittakkat ilaqutariinnullu illut suleqatigalugit suliarisassat makku ingerlanneqassapput:

  • ’Uagut inuunerput’. Inuunerissuunerup suunera qitiutillugu meeqqat pisinnaatitaaffiinik isiginninnerinillu ilalikkamik assilisanik ilaqartitatut ilinniartitsinermik tunngaveqartutut ingerlassaq. Suliarisaq 2015-imi novembarimi illoqarfinni inoqutigiinnut tamanut agguaanneqartumik atuakkiamik inerneqartitaavoq.
  • ’‘Uagut nerisagut’. Illoqarfimmi aanakkuminnit/aatakkuminnit nerisassiornermut malittarisassanik inuusuttut katersaqarfiannik workshoppitut tunngaveqartutut ilinniartitsinermik ingerlassaq. Nerisatigut ileqqut pillugit oqaluttuat, nerisassiornermut malittarisassat assilisallu illoqarfinni agguaanneqartussani nerisassiornissamut atuakkiaaqqamut katersorneqassapput. Nerisassiassat suliarineqarlutillu ataatsimoorullugu nerineqartassapput. Atuarfinnik orniguttarfinnillu suleqateqarluni suliarineqassaaq. Naggasiutigineqassaaq nerisanik festivaleqarneq, aqqusinermi igaffeqartitertumik, aammalu illoqarfiup iluani eqqumiitsuliornikkut takusassiarineqartumik.
  • ’Uagut Immitsinnik naleqassuserput’. Nanortalimmi ilaqutariinnut ingerlatsivimmik suleqateqarluni ’Uparuartorti’-mik ingerlatassamik ineriartortitsineq. Meeqqat inuusuttullu akornanni imminik tatiginnissutsip pilersinniarneranut peqataasunik tunngaveqartumik suliarisat assigiinngitsut aqqutigalugit siunertalik. Nakkarsaasarnerup pinaveersinniarnera, imminullu naleqassutsip sanngiillisarnera sammineqarput. Ingerlatassamiissapput pinngortitami suliat, nutaaliarisanik ingerlassat, soorlu taalliat, oqaluttualiat, aamma oqaloqatigiinnermik ilutsit assigiinngitsut.
  • ’Uagut ilaquttagut’. Najukkami oqaloqatiginnittartutut siunnersuisartunik ilinniartitsinerit. Siunertaq tassaavoq ilaqutariinnut persuttartinnermik atugaqarfiusunut tapersiinissaq. Suliarisami tarnikkut ikiueqqaarnertut ilusilimmik assigusumik siunnersuisarnermik tunngavilimmik inuusuttumit inuusuttumut siunnersuisarnerup pilersinniarnera peqatigalugu suliaqartoqassaaq. Suleqatigineqarput Nanortalimmi Tasiilamilu ilaqutariinnut ingerlatsiviit.
  • ’Uagut oqaluttuaatigut’. Oqaluttuaqattaanneq, najukkami oqaluttuarnermik ileqqut aallaavigalugit meeqqat inuusuttullu inuuneranni ullutsinni akunnattoorfinnik iluarsiiniarnermut tamatuminnga attaviliiniarneq sulissutigineqarluni. Inerniliussaq tassaassaaq najukkami takutinneqarlutillu Nuummi 2018-imi naggataarutaasumik takutinneqartumik isiginnaartitsissummik ataatsimik imaluunniit arlalinnik suliaqarneq.
  • ’Uagut isumassarsiagut’. Suliniutinik katersivik. Tassanngaannit allattugaatinit, inuusuttut suliaannit isumassarsiat pitsaanerpaat tigusiffigaagut, ingerlateqqillugillu. Annertussusaat apeqqutaallutik isumassarsiat 1-2 naggasiutitut ineriartorteqqinneqassapput.
  • ’Uagut suliniutigut’. Aningaaliisartunit aningaasanik pissarsiorneq. Isumassarsianik ineriartortitsinermik, suliniutinik oqaasertalersuinermik aningaasaliisartunillu pissarsiornermik sungiusarnerit. ’Uagut isumassarsiagutsinnit’ suliniutinik ineriartortitsineq aallaavigalugu suliarineqassapput. Najukkami inuit isumalluutissat sungiusarneqassapput/ilanngutitinneqassapput.
  • Ilisimatusarneq aamma uppernarsaatit. Aamma suliarisatut ingerlanneqassaaq. Ilisimatusarnerup najukkami ilisimatusarnermi assistentit ilinniagaqartullu suliaqartissavai. Taamaalilluni isumaliutiginninnissamut misissueqqissaarinermullu piginnaasat sanarfineqassapput. Saniatigut uppernarsaatit inuusuttut assersuutigalugu ingerlassanik inerniliussanillu uppernarsaanissamut ilanngussitissavaat. Assersuutigalugu atuakkanik ’Uagut inuunerput’-mik agguaassinikkut, inuusuttut inoqutigiinnut tamanut atuakkannik agguaassinermi suliaqarfigisamittut peqataallutik, taamaaliornertik assilisami uppernarsaateqarfigalugu.