Suliniummut paasissutissat

Suleqatigiinneq

Illoqarfiit Nanortalik Tasiilarlu suleqatigalugit suliniut ineriartortitaavoq. Najukkami inunnik isumalluutinik inuttalikkanik suleqatigiissitat, ilanngullugit illoqarfinni tamani inuusuttut, suliniummi suliarisanut isumassarsianik ilapittuuteqarput, taamaaliortuarlutillu.

Illoqarfinni sullissisarfiit, tassalu atuarfiit, ilaqutariinnut illut orniguttarfiillu, kiisalu sulianut tunngatillugu qitiusumik attuumaffeqartunik illua’tungerisat naleqquttut allat suleqatigaagut. Saniatigut illoqarfinni taakkunani marlunni inuusuttoqatigiinnik suliniut attaveqarfeqarpoq. Inuusuttunut ilanngussortitaasunut allattuiffik uani takuuk.

Illoqarfinni suleqatigiissitat makkuninnga inuttaqarput:

Tasiilaq:

Eli Abelsen, Piareersarfiup pisortaa

Anna Kuitse

Nukannguaq Kristiansen, Meeqqat Atuarfianni ilinniartitsisoq

Ado Jonathansen, Meeqqat Atuarfianni ilinniartitsisoq

Nunnuma Olsen, Siunnersorti, Ilaqutariinnut illu

Nanortalik:

Jens Korneliussen, Meeqqanut inuusuttunullu aqutsisoqarfik, Kommune Kujalleq

Anders Olsen, Piareersarfiup pisortaa

Brian Jespersen, Atuarfiup pisortaata tullersortaa, Meeqqat atuarfiat

Adolf Silassen, Ilaqutariinnut siunnersorti, Ilaqutariinnut illu

Suliniummik aqutsineq

Suliniut pingaarnertut ataqatigiissaarneqarlunilu makkuninnga aqunneqarpoq:

Peter Berliner, Psykologiimi professori, Aarhus Universitetimi (AU) Institut for pædagogik og læringimi (AU) aamma Nuummi Ilisimatusarfik. Peter suliniummi ilisimatusarnermut akisussaasuuvoq.

Tina Enghoff, Assiliisoq aamma assilialiornermik eqqumiitsuliortoq. Suliniummi eqqumiitsuliornermik siulersuinermut Tina akisussaasuuvoq.

Anette Molbech, Suliniummut siulersuisoq, cand.mag. Anette siulersuisup siulersorneranut, attaveqaqatigiinnermut, aningaasaateqarfinnut soqutigisaqaqatigiillu sinnerinut attaveqarnernut akisussaasuuvoq.

Tunngavigisat suleqatigiinnerlu

Taakku tamarmik ukiut arlerlugit Kalaallit Nunaanni suliniutit pillugit suleqatigiittarsimapput.

Peter ilisimatuutut suliffimmi sivisuumik assigiinngisitaartumillu qaffakkiartorsimavoq. AU-mi Institut for læring og pædaogikimi professoriuvoq. Aammalu Nuummi Ilisimatusarfimmi professoritut piffissap ilaani akissarsiaqarani attaveqarluni, isumaginninnermut siunnersortitut ilinniagaqarfimmi aamma psykologiimik ilinniartunik ilinniartitsisuulluni. Aammattaaq Mexicomi resiliensimik ingerlassami Peter ilisimatusarlunilu suliaqartartuusunik ilinniartitsisuuvoq, tassani siunertaq tassaalluni najukkami inuiaqatigiinni persuttartiffiusuni eqqissisimaarnerusunik inooqatigiinnissamik pilersitsisinissaq. Ilaquttanik katsorsaanermik ingerlassat ineriartortinnerinik, aammalu ikiuiniartutut kattuffinnut suliniutinik nalilersuinernik Peter misilittagaqarpoq. Ilisimatusarnikkut quppersakkani arlalinni aaqqissuisuuvoq.

Tina isiginnaagassanik eqqumiitsuliat assilisallu iluanni ukiuni arlalinni suliffigisamini qaffakkiartorsimavoq. Kalaallit Nunaanni aamma Danmarkimi peqataatitsinermik tunngaveqartunik inooqatigiinnermi eqqumiitsulianik suliniutinik ilinniartitsinermik ineriartortitsinermillu misilittagaqarpoq. Kiisalu eqqumiitsulianik suliniutinik arlalinnik akuerisaalluinnertunik suliaqarsimalluni. Tinap atuakkap arlallit saqqummersissimavai, aammalu nunami namminermi aamma nunat tamalaani saqqummersitsisarsimalluni. www.tinaenghoff.com

Anette aningaasaliissutinik pissarsiornermik, attaveqaqatigiinnermik, suliniutinik ineriartortitsillunilu siulersuinermik annertuunik misilittagaqarpoq. NGO-mi nunap inoqqaavisat pisinnaatitaaffiinik, Danmarkimi aamma Kalaallit Nunaanni inooqatigiinni kultureqarnermi suliniutinik, kiisalu nunat tamalaani ilinniarfimmut nunarsuarmi tamarmi ingerlassamik suliaqarsimavoq. Anette ilaatigut Kalaallit Nunaanni inuusuttunut suliniutinik attaveqartunik atuakkanik allagaqarlunilu aaqqissuussaqarsimavoq.
Peqatigiillutik Peter, Tina aamma Anette tassaapput suleqatigiit, ilisimatusarnermut, eqqumiitsuliatut saqqummiussinermut, ilusilersuinermut, suliarisanut, suliniutinik siulersuinermut, attaveqaqatigiinnermut aamma aningaasaliissutinik pissarsiornermut akisussaaffeqartutut suleqatigiit.

Bikubenfondenimi suleqatigisarput tassaavoq ingerlassanut pisortaq, Sine Egede.